ReciclaARTE !!

#euquedonacasa

Ola de novo!


Aproveitando a estupenda clase de Matías, hoxe imos traballar a fondo cos Instrumentos da Familia da Percusión.

A familia da percusión é moi ampla. Imos comezar con esta divertida explicación do que significa "percutir" e da facilidade de poder tocar un instrumento de percusión a partir de calquera material.

Percusión e Reciclaxe

Cotidiáfonos

Son instrumentos musicais creados a partir de obxectos que empregamos na vida cotiá: unha lata, un lapis, unha moeda, un bote de deterxente ... Hoxe anímovos a construír algún instrumento a partir de obxectos da casa que xa non empregades. Se soa, xa é un instrumento. Imaxinación ao poder!!
Se vos apetece, podedes compartir as fotos! Aí van algunhas ideas:

Percusión Corporal

Comezamos polo instrumento de percusión máis antigo que existe e co que tod@s podemos facer música: o noso corpo. Estas rapazas practican moito:

Probamos nós? Fixádevos ben nos instrumentos que tedes que empregar. 

Este xa é para profesionais. Concentrádevos moito que isto é un líooo!!!

Probamos só cas mans? Podedes gravarvos en vídeo; así iredes vendo como mellorades.

Familia dos Instrumentos de Percusión

Os instrumentos de percusión son moi variados. O noso amigo Vivaldi vainos contar por que soan, de onde veñen.... escoita!!

Quen soa?

Acertarás agora?

Se estivestes antent@s ao vídeo de Matías, vimos 

que cando tocou os bongoes, a batería ou a caixa, Matías traballaba co ritmo, pero cando interpretou a peza na marimba traballaba, ademáis, coa melodía. 

Para traballar co ritmo, precisamos ás figuras musicais e para traballar a melodía precisamos as notas musicais. 

Hoxe imos centrarnos no ritmo e nas figuras musicais que xa coñecemos. Vivaldi falounos delas nas clases anteriores, lembrádesvos? Déixovos aquí os enlaces.

Redonda, blanca e negra
Negra, blanca, corchea e semicorchea

Os dous cadros seguintes son moi importantes. Fixádevos ben.

♫ Figuras e silencios musicais



♫ Proporción dos valores entre a figuras musicais

                                         

                         Rapeamos un pouquiño cas figuras musicais?

                                                  

Coidadiño con estes dinosaurios! Primeiro lede este exercicio con palmas e as sílabas rítmicas (ta, ti-ti, shh!). Despois con outros instrumentos do corpo ou cos que cotidiáfonos.

Imos depedirnos, pero antes:


♫ Aprendemos a debuxar a batería de Matías.

   Agora si que marchamos, pero con moito ritmo. Veña Matías, dalle a batería!!!

Ata a semana. Traballade moito e...

... non vos esquezades de petiscar na frauta, ehhh???

BICOOOSSSSS!!!