Hoxe toca ... percutir.

#euquedonacasa

Ola de novo!

Aproveitando a clase de Matías, hoxe imos traballar a fondo cos Instrumentosda Familia da Percusión.

A familia da percusión é moi ampla. Imos comezar con esta divertida explicación do que significa "percutir" e da facilidade de poder tocar un instrumento de percusión a partir de calquera material.

Percusión e Reciclaxe

Cotidiáfonos

Son instrumentos musicais creados a partir de obxectos que empregamos na vida cotiá: unha lata, un lapis, unha moeda, un bote de deterxente ... Hoxe anímovos a construír algún instrumento a partir de obxectos da casa que xa non empregades. Se vos apetece, podedes compartir as fotos!

Eu propóñovos facer este tambor, que está feito cunha lata; veredes que é moi sinxelo e que apenas precisa material. Podedes decoralo como queirades ou facer calquera outro instrumento que se vos ocurra. Se soa, xa é un instrumento. Imaxinación ao poder!!

Percusión Corporal
Comezamos polo instrumento de percusión máis antigo que existe e co que tod@s podemos facer música: o noso corpo. Nas clases anteriores xa estivemos traballando co corpo e co ritmo; seguimos a practicar con estes xogos e tamén podedes practicar cos vosos "cotidianófonos".
Veña... a que esperades? Preparade o voso corpo e a vosa concentración!!! 

Uff! que cans@s estamos!! Mentres descasamos, imos ver como traballan co corpo unhas rapazas que practican moito moito.

Familia dos Instrumentos de Percusión

Os instrumentos de percusión son moi variados. O noso amigo Vivaldi vainos contar por que soan, de onde veñen.... escoita!!

Adiviña quen soa ...

Máis difícil todavía!!

Se estivestes antent@s ao vídeo de Matías, vimos 

que cando tocou os bongoes, a batería ou a caixa, Matías traballaba co ritmo, pero cando interpretou a peza na marimba traballaba, ademáis, coa melodía. 

Para traballar co ritmo, precisamos ás figuras musicais e para traballar a melodía precisamos as notas musicais. 
Hoxe imos centrarnos no ritmo e nas figuras musicais, que xa coñecemos. Nas clases anteriores Vivaldi falounos delas. Déixovos de novo os enlaces.

Redonda, blanca e negra
Negra, blanca, corchea e semicorchea

Fixádevos ben neste cadro sobre as figuras musicais e os seus silencios.



Que vos parece se cantamos e bailamos cas figuras musicais?

Tamén podemos interpretalas co noso corpo ou cos nosos instrumentos.

Chegou a hora de despedirnos, pero antes imos aprender a debuxar a batería de Matías.

Agora si que marchamos, pero con moito ritmo. Veña Matías, dalle a batería !!!

Ata a semana, rapazada!!!! Traballade moito e pasádeo moi ben!!!

Bicooossssssss!!!!!