Palabras, música e cores

DÍA DO LIBRO

23 de abril

#euquedonacasa

Cando esteas aburrid@

e non saibas que facer,

abre un libro meu amig@

todo pode suceder .

IMAXÍNATE ...

Ola a tod@s! Como vedes, esta semana imos dedicar a clase ao Día do Libro. Imos intentar descubrir a relación que existe entre a linguaxe escrita, a linguaxe visual e linguaxe da música. Tamén imos aprender a "fabricar" un libro para poder escribir as nosas propias historias.

E que terán que ver os libros cas imaxes e ca música?

Pois sí chic@s, teñen moito que ver porque estas tres linguaxes contan historias e expresan ideas a través das palabras, das imaxes e dos sons. E moitas desas historias durmen nos libros.

Que precisaremos para crear contos? Letras... que forman palabras ... que forman oracións ... que forman historias ... 

Que precisaremos para crear imaxes? 

Pinto o mundo de cores

Pinto de azul os ollos, o mar e o ceo.

Pinto de verde o repolo, a oliva e o loureiro.

Pinto de vermello o sangue, o caracol e o sarampelo.

Pinto de branco a noiva a neve e o talco.
Pinto de amarelo o sol, o xirasol e o marmelo.

Pinto de negro a noite, o carbón e o cabelo.

                                                Carlos Fontes

Que precisaremos para crear música? Sons... que forman células musicais...

que forman ideas... que forman frases  ... 

que forman historias musicais... 

Palabras e  música contan e cantan como nace un cadro.

As palabras, a música e as ilustracións poden e transmitir ideas e sentimentos.

Para que vexades que a música é capaz de contar historias, ides escoitar esta composición musical. Escoitádea con atención e pensade  que vos transmite: felicidade, tristeza, medo, tranquilidade, anoxo, excitación, intriga, perigo ...?

O que acabades de escoitar titúlase "En la gruta del rey de la montaña". Pertence a  "Peer Gynt", unha obra musical composta polo músico noruego Eduard Grieg. Peer Gynt é un mozo que percorre o mundo protagonizando aventuras fantásticas. Esta historia escribíuna un amigo de Eduard Grieg, tamén de Noruega, chamado Henrik Ibsen. Henrik fixo a letra e Eduard a música, e entre os dous crearon esta historia musical tan famosa.

Agora imos ver as imaxes que ilustrarán o que nos conta a música.

Todas estas historias e moitas máis viven nos libros, por iso é tan importante ler cos ollos e as orellas ben abertas.

Atrévedesvos a escribir o voso propio conto? Claro! Por que non? O primeiro que precisades é o voso propio caderno de escritura.

                                       Receita para facer un libro

Para facer un libro precisaredes:

♪ Varias follas de papel, dependendo se a historia vai ser longa ou curta.

♪ Unha cartolina ou un papel de calquera cor. Se non tedes ningunha destas dúas cousas, un folio branco coloreado ou decorado por ti.

♪ Unha tesoira.

♪ Pegamento.

♪ Un lápis e unha goma para escribir.

♪ Ceras ou cores para debuxar e colorear as ilustracións.

♪ Medio quilo de paciencia.

♪ Un quilo de imaxinación.

♪ Moita gana de que vos saia ben.

♪ Unha morea de ilusión (esto fai falta para todo)

♪ Unha pinguiña de axuda, se a precisas.
♪ Mimos e aloumiños para conservar o libro SEMPRE en bo estado.

Querido diario ...

Agora que xa sabedes facer un libro, poderedes escribir o que queirades, por exemplo un diario, que é como un amigo ao que lle podemos contar todo o que nos pasa, o que sentimos, o que pensamos...

Poderedes escribir o voso propio conto: de aventuras, de paiasos, de detectives, de animais, de astronautas ... 

Poderedes convertir as palabras en debuxos ... si,si, en debuxos!! A partir deles poderedes crear unha historia para escribir nos vosos cadernos de escritura.

Precisaredes un marcapáxinas e xa teredes o "kit" completo.

Imos despedirnos con este disparatado concerto. A música e as ilustracións son as encargadas de contar esta historia. Como veredes, non fan falta as palabras.

A tarefa desta semana é ler moitos contos porque

"Un neno que le é un adulto que pensa"

                                                

                                Ata a semana! Pasádeo ben!!!                                

     MUA!!!