Heiche cantar un conto

         

 DíA DO LIBRO

  23 de abril

#euquedonacasa

Cando esteas aburrid@

e non saibas que facer,

abre un libro meu amig@

todo pode suceder .

IMAXÍNATE ...

                                           

Ola chic@s! Hoxe imos dedicar a clase aos libros. E sabedes por que? Pois porque o xoves 23 celebrarase o Día do Libro. Quedan moi pouquiños días e nós comezaremos hoxe con actividades relacionadas cos libros e ca música.

Comezaremos lendo e escoitando un conto.  

Animádesvos???

E agora imos CANTAR o CONTO

             

...pero Charo ...que teñen que ver os libros ca música?

                          

Pois teñen moito que ver. Os libros e a música cóntannos historias. Os libros a través das palabras e a música a través dos sons.                                                

Que precisaremos para escribir un conto? 

                               

E que precisaremos para compoñer música?

Cando se xuntan as palabras e a música, nace unha canción. 

"Heiche de contar un conto". Para cantar e bailar.

Ademáis das letras e das notas musicais, que máis precisaremos para poder escribir un libro?

Receita para facer un libro

Para facer un libro precisaredes:

♪ Varias follas de papel, dependendo se a historia vai ser longa ou curta.

♪ Unha cartolina ou un papel de calquera cor. Se non tedes ningunha destas dúas cousas, un folio branco coloreado ou debuxado por ti.

♪ Unha tesoira (para cortar o  papel, non os dedos nen o pelo... 😉)

♪ Pegamento.

♪ Un lápis e unha goma para escribir.

♪ Ceras ou cores para debuxar e colorear as ilustracións.

♪ Medio quilo de paciencia.

♪ Un quilo de imaxinación.

♪ Moita gana de que saia ben.

♪ Unha morea de ilusión (esto fai falta para todo)

♪ Unha pinguiña de axuda, se a precisas.

♪ Mimos e aloumiños para conservar o libro SEMPRE en bo estado.

 Agora que xa sabedes facer un libro, poderedes escribir un diario, que é como un amigo ao que lle podemos contar todo o que nos pasa, o que sentimos, o que pensamos...

                                           "Querido diario"...

                  Aquí tedes outra opción, pero precisades a axuda dun adulto.

Poderedes escribir o voso propio conto: de aventuras, de paiasos, de detectives, de animais, de astronautas ... 

Poderedes inventar e ilustrar a vosa propia historia e convertirvos en ilustradores/as.

Un mini libriño para minicontos de grandes  miniescritores/as.

Xa tedes o voso libro. Que vos parece se escribides  unha historia para estes debuxos? Fixádevos nos detalles para que a historia sexa máis divertida!!!

Precisaredes un marcapáxinas para non esquecer a páxina que estades a ler.

Que ricos!!!

Para que vexades que a música tamén conta historias, ides escoitar esta composición musical. Escoitádea con atención e pensade  que vos transmite: felicidade, tristeza, medo, tranquilidade, anoxo, excitación, intriga, perigo ...?

O que acabades de escoitar titúlase "En la gruta del rey de la montaña". Pertence a  "Peer Gynt", unha obra musical composta polo músico noruego Eduard Grieg. Peer Gynt é un mozo que percorre o mundo protagonizando aventuras fantásticas. Esta historia escribíuna un amigo de Eduard Grieg, tamén de Noruega, chamado Henrik Ibsen. Henrik fixo a letra e Eduard a música, e entre os dous crearon esta historia musical tan famosa.

Agora imos ver as imaxes que ilustrarán o que nos conta a música.

Neste fragmento, Peer Gynt intenta saír ás agochadas do castelo do rei da montaña, pero os troles decátanse e non o queren deixar marchar. 

Eduard Grieg comeza a peza moi suave e baixiño para transmitir misterio; logo vai aumentando a velocidade e a intensidade do son para transmitir a sensación de perigo, medo, persecución... 

Os instrumentos de corda frotada e de percusión axudan a contar esta historia tan medoñenta.

Ímonos despedir con este disparatado concerto. A música e as ilustracións son as encargadas de contar esta divertida historia. Aquí, non fan falta as palabras.

A tarefa desta semana é ler moitos contos porque

"Un neno que le é un adulto que pensa"

                                              

                           

                                  Ata a semana! Pasádeo ben!!!                                

    

MUA!!

E non vos esquezades de petiscar na frauta!!

 A semana que ven teremos canción nova 😊😉